گئجه دیر چئورمده
نه ایشیق وار نه ده سس!
داها بوندان سونرا
بو قارانلیق گئجه نین باغرینی هئچ
بیرایشیق یارمایاجاق
داها بو کوهنه-قوجا دونیامیزا،
بیرایشیق ساچمایاجاق
بیرگونش دوغمایاجاق!
گو ءیون اولدوزلارینین گو ءزلرینی
قارا او ءرتوک او ءرتوب
و آیین آغ اوزونو
قورخو توتموش یئنیدن!
حاتتا بایقوشلاریدا.!
داها سارلاردا اوچا بیمه یه جک
وگئجه قوشلاریدا،
بیر بوجاق باغریندا،
باسیلیب یوخلایاجاق؛
و اولوم هر بیر آن،
گئجه نی یو ءخلایاجاق!
پیس سویوقدور بو گئجه !!!!!
******
یوخویا گیردیکده
گو ءرورم بیر نئچه اینسان آدینا
دیشی آغ حئیوانلار،
قالخیرام دهشتدن
گو ءزلریمدن یوخو بیردن اولکور:
-«باشیوی قوی یئره یات
یوخودور دیکشینمه!»
آمما پیس قورخو آلیب گو ءزله ریمی،
بوتون اینسانلاری چئوره مده باخیب
سانکی حئیوان گو ءرورم
قیرجیدیبلار منه او ءز دیشله رینی
و اوزون بارماقلا
منی گو ءسترمه ده بیر بیر لرینه!!!
******
«یاشاسین اینسانلیق
و گو ءزه للیک اینسان!
یاشاسین آزادلیق
و یاشانسین سئوگی!»
-«بو منیم ایلک اینامیم اولموشدو
آمما ایندی نه یه بو اینسانلار
منه نیفرتله باخیر»!!!!
قالخیرام بیرده یئریمدن بیردن
اللریمله گو ءزومو آوخالاییب
سیخیرام دیشله ریمی:
-«یوخ اویاقدیر،دیریدیر،دویغوسو وار
دوشونور آزجا یئنه!»
-او ء ءزومو آلدادیرم بیرده او ءزوم:
«اینسانی تانری او ءزوندن یارادیب
و یئرین اوستونده او ءزو تک تانری ائدیب
واونو سایغیلامیش
و گرکدیر بیزه اینسانلاری بیز،سایغیلایاق،
اولو بیر تانری کیمی؛
و آزادلیق نفسین سئوگیله
قارغیلاردان قورویاق.
یاشاداق اینسانی،اینسانلیقی بیز
و اولو تانریمیزی
بوتون اینسانلاردا!»
یاشاسین اینسانلیق
ویاشانسین اینسان!
یاشاسین آزادلیق
ویاشانسین سئوگی:
-«بو منیم سون اینامیم اولمالئدی!».
علی اکبر کریمی«ائلچین آغا اوغلی»